'E-NSURE' - porogaramu nshya ifasha mu kwihutisha serivisi z’ubwishingizi

Kuri uyu wa 21 Werurwe 2025, hamuritswe porogaramu nshya yitwa E-NSURE, ije gufasha kwihutisha no koroshya serivisi z’ubwishingizi mu buryo bw’ikoranabuhanga burimo ubw’ibinyabiziga nka moto, imodoka n’ibindi. Iyi porogaramu yaje gufasha Abanyarwanda kubona serivisi mu buryo bwo kugura ubwishingizi, kongera igihe cyabwo, kumenyakanisha impanuka (claims), ndetse no mu gihe bashaka kumenya amakuru ajyanye na bwo.

Ku ikubitiro E-NSURE yatangiranye imikoranire n’ubufatanye na Sosiyete y’Ubwishingizi ya Radiant, ikaba ari yo sosiyete ya mbere y’ubwishingizi yahisemo gutanga serivisi zayo hifashishijwe iryo koranabuhanga.

Umuyobozi Mukuru wa Radiant, Marc Rugenera (ibumoso) ari kumwe na Manzi Bruno Musinguzi Umuyobozi Mukuru wa E-NSURE nyuma yo gusinya amasezerabo y’imikoranire.